senjang pernikahan

SENJANG CEWEK 1. Bapak ibu tamu undangan Selamat datang ke acara kami Muang aghai ninggalke gawe Nolong doa ngejuk semangat Dengoke kia kami besenjang 2. Danau cala gades bekumpul Bujang datang dai sebrang Mikat janji nak betemu Alangke senang ati kami Ngelek penganten besandeng due Nyeragi raje ngen permai suri 3. Untuk penganten yang lagi besandeng Jngan lali ngucap terime kaseh Sanak dulur rate meresai Abes ke lemak penganten baru idup tenang ati senang 4. Ikaklah idup di akher zaman Serbe suek rate nyemele Kecik- kecik la pacak bekule Ikakla oleh teknologi Maken lame maken canggih Banyak budak gancang belaki 5. Pesan dengen mamak mude Jangan like masuk pesta Takut gek boleh bini kedue Atau boleh bini simpenan Sikok bae lagi sareh Apelagi men ade due 6. Sangkan bebek luat ngen mamak Oleh mamak like bejudi Tambah pulek gile kanji Sen abes nyawer biduan Anak duma salah prasean Mintek beli motor pixon 7. Para hadirin sekalian Kami besenjang berenti dulu Kalu ade kate gek salah Mintek maaf jangan nak marah Ikaklah carek seni daerah Nyingok acara gek laen pulek COWOK 1. Amon ndak mudek ke dusun tuman Meli lah ubi dengen keladi Belilah pulek buah nangke Untuk ngunde kumah mentue Singgah ke dusun rantau panjang Ngambek duku dengen pisang 2. Lemak nia men banyak dulur Pacak bekumpul basenang senang Muat gawe dak kade susah Banyak wang nulung kne rami Sikok due rate begawe Nyuruh nguyup sedekah lagi 3. Netep pesan ngen ayuk Jadilah menantu yang penurut Jangan galak segan ngerejut Suek rugimye galak begawe Laki begawe tambah gaierah Setiap malam denjuk hadiah 4. Sambel bejalan begandeng tangan Pegi kepasar bekanti kule Sambel mliwat tanaman bunge Bunge mawar bunge melati Sambel mliwat pulek batang sawo Buah khas wang sekayu 5. Pesan dengen btine mude Jangan like galak betandang Ngupat ipo ngupat mentue Makan selak begawe segan Dumah mentue like belage Belum setaun buangke laki 6. Sangkan mamak luat ngen bebek Oleh bebek galak merajuk Galak pulek like nyuale Mane ke mamak dag bini due Dalam umah like belage Ay alamat ndak jadi jande 7. Kalu ndak meli buah dian Cubo ilo ke seksyu Beli pulek buah salak Buah salak hargenye murah Cuci mulut untuk sedekah Buah asli daerah kitek.